Onde: Escenario entre o Parque José Martí e a praia de Santa Cristina
Cando: pola mañá e pola tarde

Montamos un grande escaparate para as danzas máis espectaculares do mundo que recollen as tradicións máis próximas e distantes, movementos imposibles, ritmos frenéticos e complexas coreografías que sorprenderán ao público. 

Bollywood Jai Ho (India)

Este espectáculo dirixido por Sunny Singh narra os episodios esenciais das películas de Bollywood: o encontro casual dos protagonistas, o namoramento, os obstáculos que deben superar, a maldade do vilán, os enfrontamentos... E faino a través da verdadeira linguaxe da factoría cinematográfica india: unha enérxica fusión de danzas indias clásicas e folclóricas e bailes occidentais contemporáneos, coma o jazz ou o hip hop. O resultado é unha explosión de enerxía e colorido que agocha, en cada xesto e cada movemento, un canto á vida e ao optimismo: Jai Ho! é dicir: ¡Viva! Podedes consultar máis información na páxina web do grupo artístico Bailamos Bollywood.
+ Info: Web Oficial

Compañía de Danza Oriental de Siberia (Rusia)

Dende a fronteira de Rusia con Mongolia chéganos un espectáculo no que se mesturan imaxes, cores e sons típicos das diferentes repúblicas ex soviéticas de Asia Central. Unha proposta que nos transmite sentimentos e emocións afastadas a través dun espectáculo que mestura danza clásica e folclórica.
+Info: www.danzasdelmundo.com


Katembe Dance (Angola)

Katembe Dance forma parte de Katembe Project e nace coa idea de difundir o ‘kuduro’, un estilo musical orixinario de Angola, que xa está acadando un grande éxito en medio mundo. É o resultado do choque entre a música tradicional (semba, kizomba) e a música electrónica (house, techno). O nome non é arbitrario e fai referencia ao xeito de bailar esta música, co traseiro erguido cara atrás, facendo unha serie de movementos espasmódicos, como un break dancer eufórico. Unha experiencia festiva que se presenta en directo con bailaríns angolanos.
+info: Myspace de Katembe Dance


O Fiadeiro (Galicia)


Os bailes tradicionais galegos, desde os máis populares até os xa case esquecidos, volven aos escenarios e rúas de Galicia nos pes de dezaseis parellas que forman a agrupación de danzas tradicionais O Fiadeiro. Falamos dunha agrupación que xa levou a nosa danza por festas, verbenas, galas, teatros, estudios de televisión e festivais tan importantes coma os “intercélticos” de Lorient (Bretaña francesa) e Aosta (Italia).
+info: www.ofiadeiro.com